車仔兩食VAR詐胡 曼聯「雙馬」頭槌建功贏波
(C) Getty Images
周一晚英超大戰,曼聯繼開咧戰大勝車路士4︰0後再下一城,作客憑著前馬迪爾及中堅馬古尼頭槌各入一球,加上車仔兩個入波經VAR後作廢,以2︰0贏波取得重要3分。
勞基梳爾話人人都插紅魔鬼

紅魔今仗把新兵前鋒恩哈路先列後備,鋒線由馬迪爾搭丹尼爾占士,而車仔亦有前鋒譚美阿巴謙倦勤,由巴舒亞伊頂上。但更不幸是,車仔開賽僅10分鐘,便有中場簡迪因傷退下火線。

曼聯戰至45分鐘先開紀錄,雲比沙卡於右路連環後腳避過韋利安後傳中,馬迪爾接應一頂入網,領先1︰0完半場。換邊後車仔守將葛特蘇馬曾藉著角球攻勢建功扳平,但重看VAR後發現隊友推人在先入波無效。

戰至66分鐘,馬古尼接應角球頂成2︰0,之後車仔後備入替的前鋒基奧特曾接應傳中頂入,但再被VAR判越位在先,最終紅魔以2︰0獲勝。

曼聯贏波後只比第4位的車仔少3分,爭奪歐聯入場券機會回升。(Goal.com)

?

意見 ()