VAR救返巴塞 國家打呲互交白卷
Getty Images
周三晚西甲國家打呲大戰,巴塞隆拿主場迎戰皇家馬德里兩隊攻勢雖然不少,但未能攻入一球最終打和0︰0完場,其中加里夫巴利下半場入波因VAR判越位在先作廢,救回巴塞一命。
達史特根拒講未來:將來係點冇人知

兩隊上半場互有攻守,皇馬前鋒一次頭槌攻門幾乎入波,但守將碧基及時護空門於白界前解圍。而巴塞王牌美斯亦曾執雞射空門,但被沙治奧拉莫斯回防解圍。

換邊後皇馬攻勢更加到肉,一次突擊巴利禁區內左邊勁射僅網側出界。之後左閘費蘭特文迪接應妙傳入楔,即時傳中予巴利射入,但經VAR檢視後證實前者越位在先,判入波無效,最終兩隊打和0︰0完場。(Goal.com)

意見 ()